| Geàrr-chùnntas
air Molaidhean |
| Moladh 1 (paragrafan 1.16 agus 1.17) |
Tha e ga
mholadh gun dèan an fheachd geur-sgrùdadh air na
Buidhnean Chleachdairean agus mion-rannsachadh air
cosgaisean, a ghabhas a-steach:
- siubhal
- lòn
- àite-fuirich
- tìde nan oifigearan
- cosgais dreuchdan a
lìonadh fhad 's a tha na h-oifigearan air falbh
|
| Moladh 2 (paragraf 3.4) |
| Tha e ga
mholadh nuair a tha na h-Aontaidhean Ìrean Seirbheis
stèidhichte, gum bu chòir dhaibh dèanamh cinnteach gu
bheil iad a' faighinn an luach as fheàrr a thaobh airgid
bhuapa le coimeas ri slatan-tomhais, measadh roghainnean
no deuchainn margaidh. |
| Moladh 3 (paragrafan 4.3 agus 4.4) |
| Tha e ga
mholadh gum bu chòir an cruth riaghlaidh ann an Roinn an
Teicneòlas Fiosrachaidh a lèirmheas, agus bu chòir don
fheachd cumail orra a' beachdachadh air inbhe a'
Mhanaidsear Choimpiutairean a thogail gu ìre an àrd
luchd-taice eile. |
| Moladh 4 (paragrafan 5.5 gu 5.8) |
| Tha e ga
mholadh gu soilleirich an fheachd na riaghailtean aca a
thaobh gluasaid agus suidheachaidh agus gun cuir iad
cruinn ann an aon phàipear iad gus an tuig a h-uile
duine iarrtasan agus dleasdanas na feachd, cho math ri
dleasdanas agus còirichean nan oifigearan. Bu chòir
dhan phoileasaidh ùr a bhith a' leantainn poileasaidh
co-ionnanachd na feachd. |
| Moladh 5 (paragrafan 5.13 agus 5.14) |
| Tha e ga
mholadh gun cruthaich an fheachd dòigh-taghaidh nas
structurail airson dreuchdan sònraichte agus ardachadh
inbhe sealach, a tha a' leantainn gu mionaideach
poileasaidh na feachd air co-ionnanachd. |
| Moladh 6 (paragrafan 5.26 gu 5.28) |
Tha e ga
mholadh gun dèan an fheachd:
- rannsachadh air
feuman trèanaidh
- meidheadh cosgais is
buannachd air roghainnean trèanaidh, air sgàth
cho daor 's a tha e daoine a thrèanadh aig aonad
na Priomh-oifis.
|
| Moladh 7 (paragraf 6.9) |
| Tha LSRP a'
moladh gun dèan an fheachd rannsachadh nas doimhne air
àireamhan agus fiosrachadh a' buntainn ri drugaichean
mar a chaidh a mholadh leis an Ard Neach-sgrùdaidh
Rìoghail cheana, gus am bi oifigearan an sàs ann an
obair làitheil nam poileas nas fiosraiche. |
| Moladh 8 (paragraf 6.16) |
| Tha e ga
mholadh gun dèan an fheachd soilleir gu bheil iad a'
brosnachadh cheanglaichean eadar na ceannardan ionadail
agus na h-ùghdarrasan ionadail, agus gum bi conaltradh
san àm ri teachd ga chumail ann an dòigh fhoirmeil le
clàr-gnothaich agus geàrr-chunntas. |
| Moladh 9 (paragrafan 8.2 agus 8.4) |
| Tha e ga
mholadh gum bu chòir an fheachd lèirmheas a dhèanamh
air mar a tha iad a' làimhseachadh molaidhean an
Luchd-sgrùdaidh agus a' foillseachadh freagairt, agus
gum bu chòir do Cho-chomataidh nam Poileas sealltainn ri
mar a tha iad fhèin a' marasglachadh freagairtean na
feachd. |
| |
