Cùmhnant Eòrpach airson Mion Chànan agus Cànan
Roinneil
Ro-Ràdh
Chaidh Cùmhnant Eòrpach airson Mion Chànan agus Cànan
Roinneil a dhealbhadh ann an 1992 le Comhairle na h-Eòrpa
gus mion-chànanan na h-Eòrpa a dhìon is àrdachadh. Chuir
Riaghaltas na Rìoghachd Aontaiche ainm ris a' Chùmhnant ann
an 2000 agus chaidh a dhearbhadh ann an 2001 as leth
Cuimris ann an Cuimrigh, Albais is Gàidhlig ann an Alba
agus Albais Ulaidh is Gaeilge ann an Èirinn a Tuath.
Chaidh Gàidhlig Mhanainneach is Còrnais an dearbhadh as
dèidh làimhe.
Tha na ullachaidhean de Phàirt a Dha a' Chùmhnaint
(prionnsabalan coitcheann agus amasan a bhith gan leantainn
as leth Mion Chànanan no Cànanan Roinneil.) a' buntainn ris
a h-uile cànan a tha ga ainmeachadh anns a' pharagraf os
cionn. A bharrachd, tha ullachaidhean àraidh ann am Pàirt
a Tri (a thaobh àrdachadh cleachdadh de mhion-chànan is
cànan roinneil) a' buntainn air Cuimris, Gàidhlig is
Gaeilge.
Tha an Riaghaltas, tro dhleasdanasan na Rìoghachd
Aonaichte a thaobh na Gàidhlig, a' gabhail os làimh a chur
an gnìomh 39 ullachaidhean mach à 65 ùile gu lèir, anns na
roinnean de dh'fhoghlam, a' Chùirt, Rianachd Ionadail, na
meadhanan, cultar, beatha sòisealta is eaconomach agus
dàimhean thar-chrìoch.
Gheibhear an Cùmhnant
an seo.
Sgrudadh a' Ghniomhachaidh
Bidh an sgrùdadh den Ghnìomhachadh a' tachairt air
cearcall tri-bhliadhnail
- A' cur a-steach Aithisg Ùineach
leis an Stàit - Feumar gach Stàit aithisg ùineach a
chur a-steach gach tri bliadhnaichean a' mìneachadh am
poileasaidhean agus nan gnìomhan a tha iad air a chur
air dòigh gus na dleasdanasan a tha iad air a ghabhail
os làimh a lìonadh.
- Sgrùdadh air a dhèanamh le
Comhairle nan Eòlaichean (ComEx) - Aig an àm de gach
cearcall, bidh ComEx a' sgrùdadh aithisg ùineach na
Stàite; far a bheil e iomchaidh cuiridh iad ceist air
an Stàit; a' cur air dòigh cuairtean 'anns a' bhad' don
Stàit, a' coinneachadh ri ùghdarrasan, Buidhnean
Neo-Riaghaltais (NGOan), agus buidhnean eile gus an
gnìomhachadh den Chùmhnant a mheasadh; agus ullachadh
aithisg measaidh do Chomataidh nam Ministear.
- Molaidhean de Chomataidh nam
Ministear don Stàit - nuair a tha Comataidh nam
Ministear air aithisg ChomEx a cnuasachadh, faodaidh
iad molaidhean a dhèanamh don Stait a thaobh gnìomhan
gus poileasaidhean, reachdas, m.s.a.a. a thoirt an lùib
nan ullachaidhean ris a tha iad air ghabhail fon
Chùmhnant.
Sgrùdadh agus an RA
A' Chiad Aithisg Ùineach
Chaidh a' chiad Aithisg Ùineach aig an RA a thoirt
a-steach do Chomhairle na h-Eòrpa air 1d an Iuchair
2002.
Chaidh seo a leantainn le measadh Chomhairle na h-Eòrpa
air gnìomhachadh agus molaidhean don RA air 24mh an Mart
2003.
An Darna
Aithisg Ùineach
Chaidh an Darna Aithisg Ùineach aig an RA a thoirt a
-steach do Chomhairle na h-Eòrpa air 1d an Iuchair 2005.
Chaidh leth-bhric den aithisg a chur fa chomhair Taigh nan
Cumantan agus Pàrlamaid na h-Alba air 5mh An Iuchair
2005.
As deidh cnuasachadh air an Aithisg Ùineach aig an RA,
thathar an dùil gun dean Comataidh nan Eòlaichean de
Chomhairle na h-Eòrpa cuairt air an Rìoghachd Aontaiche
uaireigin ann an 2006.