A bharrachd air na tha de choinneamhan
conaltraidh mu Bhile na Gàidhlig a gabhail aite air
feadh Alba, tha Bòrd na Gàidhlig cuideachd dol a
choinneachadh le Gàidheil Lunnainn.
Thuirt ceannard Bòrd na Gàidhlig, Ailean
Caimbeul, gun do dh'iarr Gàidheil Lunnainn coinneamh
gus beachdachadh air a Bhile, agus gun robh am Bòrd
ro-thoilichte an cothrom sin a thoirt dhaibh. "Tha sinn
mothachail gur e Comann Gàidhlig Lunnainn an Comann as
sine a th'ann, agus tha iad air a bhith
sònraichtetaiceal dhan Ghàidhlig thar corr is dà cheud
bliadhna. Tha sinn a cur luach air taic Ghàidheil air
feadh an t-saoghail agus tha an fheadhainn a tha ann an
Lunnainn sàr chudromach, agus tha fios againn gun cuir
iad beachdan làidir pongail gu riaghaltas na h-Alba mun
Bhile seo".
Tha Cathraiche Comann Gàidhlig Lunnain, Iain
MacLeòid, a' cuir fàilte air a choinneamh agus tha e a
cuir a-mach cuairt litir leis an fhiosrachadh, agus
leig e fhaicinn dha na buill aig Coinneamh
BhliadhnailComann Gàidhlig Lunnainn an t-seachdain
seo chaidh gun robh a' choinneamh conaltraidh a'
tachairt. "Tha sinn an dochas gun ruig fiosrachadh mun
choinneamh seo na Gàidheil air fad an seo agus gu nochd
sluagh mòr gus beachdachadh air a Bhile seo a tha cho
cudromach dhan Ghàidhlig."
Tha a choinneamh sin gu bhith a gabhail aite aig
Crown Court Church of Scotland, Russell Street, Covent
Garden,WC2 B5EZ, air Diluain 8 Dubhlachd aig 6.00
feasgar.