« Previous | Contents | Next »
Listen
Breithneachaidhean ìre luchd-teagaisg
Tha Clàr 4 a' clàradh sgaoilidhean ìre airson cuspairean don dh'iarrar air luchd-teagaisg breithneachaidhean ìrean 5-14 a sholarachadh às leth an cuid sgoilearan.
Clàr 4
Breithneachaidhean luchd-teagaisg air ìrean 5-14 sgoilearan *
(% de sgaoilidhean an taobh a-staigh chuspairean)
Ìre | Cuspair | Sgoilearan | <A | A | B | C | D | E | F |
|---|
P5 | Leughadh -Beurla | 183 | 0 | 2 | 22 | 70 | 6 | 0 | 0 |
|---|
Leughadh-Gàidhlig | 180 | 0 | 2 | 28 | 58 | 12 | 0 | 0 |
|---|
Sgrìobhadh-Beurla | 183 | 2 | 4 | 44 | 46 | 4 | 0 | 0 |
|---|
SgrìobhadhGàidhlig | 180 | 0 | 5 | 46 | 44 | 4 | 0 | 0 |
|---|
Matamataig | 183 | 0 | 2 | 40 | 51 | 6 | 1 | 0 |
|---|
Saidheans | 183 | 0 | 2 | 33 | 61 | 4 | 0 | 0 |
|---|
P7 | Leughadh - Beurla | 157 | 0 | 0 | 3 | 6 | 43 | 44 | 4 |
|---|
Leughadh-Gàidhlig | 152 | 0 | 2 | 4 | 13 | 63 | 18 | 1 |
|---|
Sgrìobhadh -Beurla | 156 | 0 | 0 | 3 | 24 | 56 | 15 | 1 |
|---|
Sgrìobhadh-Gàidhlig | 154 | 1 | 2 | 7 | 28 | 53 | 10 | 0 |
|---|
Matamataig | 153 | 0 | 0 | 3 | 16 | 57 | 25 | 0 |
|---|
Saidheans | 151 | 0 | 0 | 1 | 32 | 67 | 0 | 0 |
|---|
* Sa chlàr seo agus ann an clàran eile far a bheil sgaoilidhean air an taisbeanadh, tha ceudadan uaireannan a' tighinn gu barrachd na 100 mar thoradh air cruinneachadh.
Dh'fhaodadh gur e am feart as nochdte ann an dàta P5
i) an cruinneachadh timcheall air Ìrean B agus C thar nan cuspairean air fad, a' co-shìneadh leis an t-suidheachadh gu nàiseanta
ii) an ionnanachd dhlùth anns na h-iomraidhean ìre airson sgrìobhadh san dà chànan
(bha an ìre cheudna airson an dà chànan air a thoirt do 82% de sgoilearan)
iii) gum b' e sgrìobhadh an raon a b' ìsle a bha air a mheas leis an luchd-teagaisg, a-rithist a rèir na deilbh nàiseanta.
Aig P7 tha sinn a' faicinn:
i) cruinneachadh làidir timcheall air Ìrean D agus E airson leughadh Beurla, le farsaingeachd ìre nas motha ri fhaicinn ann an leughadh Gàidhlig, a' cuimseachadh air Ìre D
ii) mar a tha aig P5, ionnanachd làidir anns na h-iomraidhean ìre airson sgrìobhadh ann am Beurla 's ann an Gàidhlig (gu dearbh, chaidh breithneachadh gun robh 76% de na sgoilearan aig an ìre cheudna airson sgrìobhadh anns an dà chànan), le farsaingeachd ìre a' cuimseachadh air Ìre D
iii) cuimseachadh ionnan air Ìre D airson saidheans agus matamataig, ach leis a' chuid mhòr de sgoilearan eile air an cur aig Ìre C ann an saidheans, ach ann am matamataig bhiodh iad air an cur aig B no E.
Tha Figear 1 a' nochdadh pàtran nam breithneachaidhean aig an luchd-teagaisg aig an dà ìre saidheans, ge 'r bith mar a mhìnich an luchd-teagaisg 'saidheans' fhad 's a bha iad a' tional na fianais air an robh am breithneachaidhean deireannach stèidhichte (cha robh mìneachadh òrdaichte air a thoirt dhaibh nuair a fhuair iad cuireadh am breithneachaidhean ìre a thairgsinn airson a' chuspair seo).
Figear 1
Breithneachaidhean luchd-teagaisg air ìrean 5-14 nan sgoilearan ann an saidheans
(% de sgaoilidhean)
A rèir luchd-teagaisg nan sgoilearan bha timcheall air dà thrian sgoilearan P5 ag obair aig Ìre C no nas àirde ann an saidheans (4% aig Ìre D mar-thà), le co-chuid ionnan de sgoilearan P7 ag obair aig Ìre D.
« Previous | Contents | Next »